KORPORATIV DIVERSIFIKATSIYA STRATEGIYALARI VA ULARNING SAMARADORLIGI

Abstract

Ushbu maqolada korporativ diversifikatsiya strategiyalarining mohiyati, ularning biznesga ta’siri va samaradorligi tahlil qilinadi. Tadqiqot doirasida diversifikatsiyaning asosiy turlari – konsentrik, gorizontal, konglomerat va vertikal strategiyalar ko‘rib chiqilib, ularning mahalliy kompaniyalarda qo‘llanilishi o‘rganildi. O‘zbekistonning yirik korporatsiyalari – “Dori-Darmon”, “Aloqabank” va “O‘zkimyosanoat” misolida diversifikatsiya strategiyalarining samaradorligi miqdoriy va sifat tahlili asosida baholandi. Natijalar shuni ko‘rsatdiki, konsentrik diversifikatsiya mahsulot turlarini kengaytirish va bozorda raqobatbardoshlikni oshirishga xizmat qilmoqda, konglomerat diversifikatsiya esa eksport hajmini oshirishda muhim rol o‘ynamoqda. Shuningdek, kredit diversifikatsiyasi bank sektorida risklarni kamaytirish va barqaror o‘sishni ta’minlashga yordam bermoqda. Tadqiqot natijalari O‘zbekistonda korporativ diversifikatsiya strategiyalarining muvaffaqiyatli amalga oshirilishi uchun kompaniyaning resurs bazasi, bozor sharoitlari va hukumat tomonidan berilayotgan rag‘batlantiruvchi imtiyozlar muhim ahamiyat kasb etishini ko‘rsatadi.