INSULTDA XAVF OMILLARI, ERTA ANIQLASH VA PROFILAKTIKASI

Abstract

KIRISH (Introduction). Insult dunyoda o‘lim va kattalar nogironligining yetakchi sabablaridan biridir. Insult o‘tkazgan bemorlarning katta qismi mehnat qobiliyatini yo‘qotadi va o‘zgalar parvarishiga muhtoj bo‘lib qoladi. Shu bilan birga, insult xavfining asosiy qismi boshqarish mumkin bo‘lgan omillar bilan bog‘liq bo‘lib, ularni aniqlash va tuzatish birinchi navbatda terapevt va oilaviy shifokor amaliyotida amalga oshiriladi. Tadqiqotning maqsadi – insultning turlari, xavf omillari, erta belgilari va profilaktikasiga oid zamonaviy ma’lumotlarni terapevt amaliyoti nuqtayi nazaridan umumlashtirish.