DAVLAT FUNKSIYALARINI TASNIFLASH

Abstract

Mazkur maqolada davlat funksiyalari tushunchasi, ularning mazmun mohiyati va tasniflash mezonlari nazariy va amaliy jihatdan tahlil qilinadi. Davlat funksiyasi - bu davlatning jamiyatdagi ijtimoiy, iqtisodiy, siyosiy va huquqiy boshqaruvini amalga oshirishdagi asosiy yo‘nalishlarini bildiradi. Maqolada tarixiy rivojlanish bosqichlari kontekstida davlat funksiyalarining o‘zgarishi, jumladan, klassik davrdagi “minimal davlat” konsepsiyasidan hozirgi zamonaviy, ko‘p funksiyali davlat modeligacha bo‘lgan evolyutsiyasi yoritilgan. Shuningdek, funksiyalarni tasniflashning klassik mezonlari - faoliyat sohasi, amal qilish davomiyligi, ijtimoiy ahamiyati va huquqiy shakllari asosida tasniflar ko‘rib chiqiladi. Muallif zamonaviy global muammolar, texnologik taraqqiyot va xalqaro tajriba asosida davlat funksiyalarini qayta ko‘rib chiqish zaruratini asoslaydi. Maqola yakunida davlat funksiyalarini to‘g‘ri tasniflash davlat boshqaruvi samaradorligini oshirishi, vakolatlar taqsimotini aniq belgilashi va fuqarolarga xizmat ko‘rsatish sifatini yaxshilashi ta’kidlanadi.