RAQAMLASHTIRISH DAVRIDA AYOLLAR HUQUQLARINI HIMOYA QILISH

Abstract

Raqamlashtirish davrida ayollar huquqlarini himoya qilish masalasi dunyo bo‘yicha dolzarb bo‘lib qolmoqda. Ushbu maqolada raqamli jamiyatda ayollarni erkin, xavfsiz va teng imkoniyatlar bilan ta’minlashning muhimligi ko‘rsatiladi. Ayollarni raqamli jamiyatda faollashtirish va ularning huquqlarini himoya qilish uchun raqamli tenglik, onlayn xavfsizlik, raqamli iqtisodiyotga integratsiya qilish, va ayollarni onlayn tahdidlardan himoya qilish kabi masalalar yoritiladi. Maqolada shuningdek, gender tengsizliklari va raqamli iqtisodiyotda ayollarni qo‘llab-quvvatlashning zarurligi ta’kidlanadi. Raqamli huquqlarni himoya qilish, shaxsiy ma’lumotlarni saqlash va internetda erkin faoliyat yuritish uchun davlatlar va xususiy sektorlar o‘rtasida hamkorlikni mustahkamlash zaruriyati ko‘rsatilgan. Maqolada, shuningdek, ayollarning raqamli ta’lim olish, raqamli texnologiyalarga o‘qish va kasb-hunarni rivojlantirishdagi roli muhimligi hamda bu jarayonni yanada rivojlantirish uchun kerakli ijtimoiy va qonuniy o‘zgarishlar haqida so‘z yuritiladi.