INKLYUZIV TAʼLIMNING MAZMUN VA MOHIYATI

Abstract

Ushbu tezisda imkoniyati cheklangan bolalar uchun samarali inklyuziv ta’limni tashkil etishning asosiy shartlari tahlil qilinadi. Inklyuziv ta’lim — bu barcha bolalarga, jumladan maxsus ehtiyojlarga ega bo‘lgan bolalarga ham umumiy ta’lim tizimida teng imkoniyatlar yaratishga qaratilgan ta’lim yondashuvidir. Samarali inklyuziv ta’limni ta’minlash uchun pedagogik, ijtimoiy va tashkiliy omillar majmuasi zarur. Tezisda ushbu shartlar o‘qituvchining malakasi, ta’lim resurslari, o‘quvchilarning individual ehtiyojlariga mos moslashuvchan yondashuvlar hamda inklyuziv maktab muhitini shakllantirish orqali yoritiladi. Shuningdek, inklyuziv ta’limni muvaffaqiyatli amalga oshirishda davlat siyosati, jamiyatdagi ijtimoiy me’yorlar va ota-onalarning faol ishtirokining o‘rni ham muhokama qilinadi.